Распрацоўнікі шкоднасных праграм для абароны сваёй "інтэлектуальнай уласнасці" пачалі ўжываць карыстацкія дамовы (EULA).
Дамова EULA (Ліцэнзійная дамова для канчатковага карыстача) складаецца паміж уладальнікам праграмнага прадукта і карыстачом яго копіі. У выпадку з легальнымі камерцыйнымі рашэннямі дамова EULA можа ўжывацца для прыцягнення да адказнасці тых уладальнікаў кампутараў, якія працуюць з пірацкімі копіямі праграм або выкарыстаюць прыкладанні ў незаконных мэтах.
Для шкоднасных праграм ужыванне EULA выглядае абсурдным - бо сам факт выпуск віруса або траяна ўжо з'яўляецца правапарушэннем. І, тым не менш, у файле дапамогі апошняй мадыфікацыі шкоднаснай праграмы Zeus супрацоўнікі кампаніі Symantec выявілі тэкст карыстацкай дамовы.
У дакуменце на рускай мове гаворыцца, што кліент не мае правы распаўсюджваць праграму ў любых камерцыйных і не камерцыйных мэтах, не звязаных з інтэрасамі прадаўца. Аўтары Zeus патрабуюць ад пакупнікоў праграмы выплаты грашовых узнагарод за абнаўленні, не звязаныя з памылкамі ў працы.
У выпадку невыканання пунктаў карыстацкай дамовы Zeus кіберзлачынцы абяцаюць пазбавіць кліентаў усялякай тэхнічнай падтрымкі і адправіць зборку бота ў антывірусныя кампаніі.